Þýskaland tapaði í gærkvöldi óvænt fyrir Norður Makedóníu í undankeppni HM á heimavelli. Leiknum lauk með 2-1 sigri gestanna. Þetta var fyrsta tap í undankeppninni en þrjár umferðir hafa verið leiknar.

Þær voru heldur óblíðar, kveðjurnar sem þýska landsliðið fékk frá þýsku pressunni í kjölfar tapsins.

„Við þurfum ekki einu sinni að keppa á EM í sumar. Aumkunarverð frammistaða, þýska landsliðið varð sér til skammar,“ var meðal þess sem var ritað um frammistöðu þýska landsliðsins hjá Bild.

Joachim Löw, landsliðsþjálfari Þýskalands, lætur af störfum hjá liðinu eftir EM í sumar og blaðamaður Bild segir sem betur fer. Tapið gegn Norður-Makedóníu hafi verið niðurlægjandi

„Þýska liðinu skortir drifkraft, ákveðni og bit. Fótbolta dvergurinn (N-Makedónía) sem er í  65. sæti styrkleikalista FIFA eru aðeins með fjóra leikmenn sem spila í bestu deildum Evrópu og þeir létu fjórfalda heimsmeistara líta fáranlega út,“ var skrifað í BILD.

Þýskaland er eftir leikinn í 3. sæti riðilsins með 6 stig eftir þrjá leiki, þremur stigum meira en Ísland sem situr í 5. sæti. Stöðuna í riðlinum má sjá hér fyrir neðan.