Dvöl argentínska markmannsins Sergio Romero hjá Manchester United hefur verið stormasöm. Samningur hans við félagið klárast í lok tímabilsins, en undanfarið hefur hann verið orðaður við stórlið í heimalandinu, Boca Juniors.
Samkvæmt breskum götublöðum og argentínskum fjölmiðlum gæti skoðun eiginkonu hans, Eliana Guercio, haft mikið að segja um framhaldið, en hún er sögð ekki vilja flytja frá Evrópu. Ekki er langt síðan Eliana var á milli tannana á fólki, en í október vakti mikla athygli er hún hraunaði yfir Manchester United fyrir að sína Romero litla virðingu.
„Sergio Romero hefur lagt hart að sér fyrir þetta lið. Seinast þegar þeir unnu titil tók hann þátt í að lyfta honum.“ sagði hún á Instagram og bætti við „SÝNIÐ HONUM VIRÐINGU!!!!“
Um þessar mundir eru Romero og Guercio í Argentínu, en spái argentínskir og breskir fjölmiðlar rétt fyrir mun sú dvöl ekki standa yfir lengi. Því hefur verið haldið fram að Romero hafi nú þegar kvatt liðsfélaga sína. Auk þess hefur hús þeirra í Manchester verið sett á sölu, en það er metið á 3.5 milljón punda, eða 600 miljónir króna.
