„Við spilum tvo leiki, þetta er verkefni til að kynna áherslur og hefja undirbúning á HM í haust,“ sagði Þorsteinn Halldórsson, landsliðsþjálfari kvenna á fréttamannafundi í dag.

Íslenska liðið heldur til Ítalíu eftir páska en liðið leikur tvo leiki, annan gegn Ítölum en það má ekki gefa upp hver hinn andstæðingurinn verður.

Þorsteinn er að fara inn í sitt fyrsta verkefni sem þjálfari en átta af hans leikmönnum sem leika á Íslandi fá ekki að æfa sína íþrótt á eðlilegan hátt þessa dagana, á Íslandi er íþróttafólki bannað að æfa á eðlilegan hátt vegna veirunnar.

„Það er ekki draumastaða en það er ekki langt í verkefnið. Þetta er ekki þægilegt staða að vera alltaf að byrja og stoppa að æfa. Þú spilar engan leiki og það hjálpar ekki þróun leikmanna. Þetta verður erfiðara fyrir þá leikmenn sem eru eldri, þá þarftu meiri rútína. Ef allt gengur upp þá verður þetta stutt stopp og hefur takmörkuð áhrif.“

Guðbjörg Gunnarsdóttir, hinn reyndi markvörður er ekki í hópnum. „Hún var í sjálfu sér ekki í plönunum okkar, hún var meidd um daginn en er að koma sér af stað. Það eru engir leikir í Noregi, ég met það þannig að hún þurfi að koma sér í gang. Þannig ýtir hún á sæti í landsliðinu.“

Amanda Andradóttir 17 ára leikmaður Vålerenga var til umræður á fundinum. „Ég hef aðeins rætt það, það var nú bara til að hlera stöðuna. Hún var þannig séð ekki í myndinni fyrir þennan hópnum. Hún hefur ekkert verið að spila, hún hefur æft á fullu. Vonandi kemur hún sér í liðið hjá Vålerenga og þróast og þroskast. Vonandi er hún framtíðarleikmaður.“