Rúnar Kristinsson mun að öllum líkindum missa metið sitt sem leikjahæsti leikmaður í sögu Íslands, það gæti gerst á næstu mánuðum. Rúnar lék 104 landsleiki fyrir Íslands en nú narta ansi margir í það met.
Ragnar Sigurðsson hefur spilað 97 landsleiki en hann tók ekki þátt í leiknum gegn Þýskalandi í gær. Ætla má að Ragnar spili næsta leik gegn Armeníu og komist nær meti Rúnars.
Birkir Már Sævarsson tók ekki þátt í leiknum í gær vegna leikbanns, hann hefur spilað 95 landsleiki. Birkir Bjarnason er með 93 leiki en hann lék gegn Þýskalandi í gær.
Aron Einar Gunnarsson, fyrirliði Íslands er með 92 landsleiki og er líklegur til þess að ná meti Rúnars. Kári Árnason er með 88 leiki.
Hannes Þór Halldórsson fór í sögubækurnar í gær þegar hann lék sinn 75 landsleik, enginn markvörður hefur spilað fleiri landsleiki fyrir Ísland. Áður átti Birkir Kristinsson metið og lék 74 leiki fyrir Ísland.
Leikjahæstir frá upphafi
1. Rúnar Kristinsson 104 leikir
2, Ragnar Sigurðsson 97 leikir
3. Birkir Már Sævarsson 95 leikir
4. Birkir Bjarnason 93 leikir
5. Aron Einar Gunnarsson 92 leikir
6. Hermann Hreiðarsson 89 leikir
7-8. Eiður Smári Guðjohnsen 88 leikir
7-8. Kári Árnason 88 leikir
9. Guðni Bergsson 80 leikir
10-11. Gylfi Þór Sigurðsson 78 leikir
10-11. Ari Freyr Skúlason 78 leikir
12. Jóhann Berg Guðmundsson 77 leikir
13. Hannes Þór Halldórsson 75 leikir
