Íslenska landsliðið átti litla möguleika þegar það heimsótti Þýskaland í fyrsta leik Íslands í undankeppni HM. Um var að ræða fyrsta leik liðsins undir stjórn Arnars Þórs Viðarssonar.
Íslenska liðið byrjaði hræðilega en eftir rúmar tvær mínútur komst þýska liðið yfir. Leon Goretzka skoraði þá fínt mark en Hörður Björgvin Magnússon svaf á verðinum og gerði Þjóðverja réttstæða.
Kai Havertz kom svo Þýskalandi í 2-0 á sjöundu mínútu leiksins eftir að Leroy Sane hafði fíflað Alfons Sampsted.
Ilkay Gundogan kom svo Þjóðverjum í 3-0 á 56 mínútu með föstu skoti fyrir utan teiginn, óverjandi fyrir Hannes Þór Halldórsson. Fleiri voru mörkin ekki
Ísland mætir Armeníu á sunnudag en einkunnir eru hér að neðan.
Byrjunarlið Íslands:
Hannes Þór Halldórsson 5
Var varnarlaus í öllum mörkunum
Alfons Sampsted 3
Átti í miklum vandræðum með Leroy Sane allan leikinn, lét taka sig í bólinu í öðru markinu.
Kári Árnason 4
Langt því frá besti leikur Kára og kannski eðlilegt þegar hann hefur aðeins spilað æfingaleiki síðan í nóvember
Sverrir Ingi Ingason 4
Átti eins og aðrir varnarmenn liðsins í stökustu vandræðum
Hörður Björgvin Magnússon 3
Gerði sig sekan um að sitja eftir og spila Þjóðverja réttstæða í fyrsta markinu
Arnór Ingvi Traustason (´71) 3
Týndur stærstan hluta leiksins, bæði varnar og sóknarlega.
Aron Einar Gunnarsson 5
Virtist ekki alveg finna sig í nýju leikkerfi framan af leik en bætti sig þegar á leið.
Guðlaugur Victor Pálsson (´89) 5
Ágætis dagsverk en oft verið betri
Rúnar Már Sigurjónsson (´40) 4
Þurfti að fara út af vegna meiðsla, gaf slaka sendingu í öðru markinu.
Birkir Bjarnason 6 – Maður leiksins
Var líklegasti maður Íslands í annars erfiðum leik, átti oft ágætis rispur.
Jón Daði Böðvarsson (´89) 4
Einn og yfirgefinn í fremstu víglínu stærstan hluta leiksins.
Varamenn:
Albert Guðmundsson (´40) 6
Þorði að halda í boltann þegar hann fékk hann og barðist eins og ljón.
