Dion Acoff, hefur samið um að leika með Grindavík á komandi tímabili og mun verða liðinu innan handar í Lengjudeildinni. Þetta kemur fram í tilkynningu frá knattspyrnudeild Grindavíkur sem birtist á Facebook.

Dion var síðast á mála hjá Þrótti Reykjavík en komst ekki á skrið með liðinu sökum meiðsla.

Hann hefur þó mikla reynslu af íslenskri knattspyrnu með Þrótti Reykjavík og Val, hann á til að mynda að baki 52 leiki í efstu deild og 29 leiki í 1. deild.

Samningur Dions við Grindavík gildir út komandi leiktíð.

„Ég er afar glaður með að endurnýja kynni mín af Dion Acoff sem ég vann með í Val,“ segir Sigurbjörn Hreiðarsson, þjálfari Grindavíkur.

„Dion færir okkar liði gríðarlegan hraða sem mun hjálpa okkur í sumar. Hann er vinnusamur og ekki síst frábær atvinnumaður. Hann er mikill sigurvegari sem er mikilvægur eiginleiki og á eftir að passa vel inn í verkefnið hérna í Grindavík í sumar,“ sagði Sigurbjörn.

Dion Acoff gengur til liðs við Grindavík

Grindavík hefur samið við bandaríska vængmanninn Dion Jeremy Acoff um að leika…

Posted by Knattspyrnudeild Grindavíkur UMFG on Thursday, March 25, 2021