Manchester City hefur áhuga á því að fá enska framherjann Danny Ings, leikmann Southampton til liðs við sig. Þetta herma heimildir SkySports.
Mikil óvissa ríkir um framtíð Sergio Aguero, framherja Manchester City hjá félaginu en samningur hans rennur út í sumar og ekkert þokast í viðræðum við leikmanninn um nýjan samning.
Ings gekk til liðs við Southampton frá Liverpool árið 2019 og hefur staðið sig vel hjá Dýrlingunum. Ings hefur skorað 42 mörk í 92 leikjum fyrir Southampton og Manchester City líta á hann sem ódýr en góð kaup.
Ings er í þann mun að fara hefja sitt síðasta samningsár hjá Southampton og er því í sterkri stöðu gagnvart félaginu, vilji hann fara til Manchester City. Southampton gæti neyðst til þess að selja leikmanninn.
Ings, sem er 28 ára gamall, hefur yfir mikilli reynslu að ráða í ensku úrvalsdeildinni. Þar á hann að baki 133 leiki með þremur félögum, Southampton, Liverpool og Burnley.
