Leicester City tók á móti Manchester United í 8-liða úrslitum enska bikarsins í kvöld. Leiknum lauk með 3-1 sigri Leicester en leikið var á heimavelli liðsins, King Power Stadium.
Kelechi Iheanacho, kom Leicester yfir með marki á 24. mínútu.
Þannig stóðu leikar þar til á 38. mínútu þegar að Mason Greenwood jafnaði metin fyrir Manchester United með marki eftir stoðsendingu frá Paul Pogba.
Youri Tielemans kom Leicester aftur yfir í leiknum á 52. mínútu og það var síðan Kelechi Iheanacho sem innsiglaði 3-1 sigur Leicester með sínu öðru marki í leiknum á 78. mínútu.
Leicester er því komið áfram í undanúrslit bikarsins en Manchester United er úr leik.
Dregið var í undanúrslitin fyrr í dag. Leicester mætir því Southampton á Wembley í apríl.
Undanúrslit enska bikarsins (FA CUP):
Chelsea – Manchester City
Leicester City/Manchester United – Southampton
Leicester City 3 – 1 Manchester United
1-0 Kelechi Iheanacho (’24)
1-1 Mason Greenwood (’38)
2-1 Youri Tielemans (’52)
3-1 Kelechi Iheanacho (’78)
