Nýlega var greint frá því að aðeins 10-15 prósent leikmanna í ensku úrvalsdeild kvenna séu svartar, asískar eða úr öðrum minnihlutahópum. Stoney, sem lék á sínum tíma með Arsenal og Liverpool, segir að það þurfi að gera eitthvað til að ýta undir fjölsbreytileika og að deildin þurfi að breytast.
„Ég held að við séum ekki einu sinni nálægt þeim stað sem við eigum að vera á ef ég má vera alveg hreinskilin,“ sagði Stoney í samtali við Sky Sports um málið. „Leikurinn okkar er rosalega hvítur og það þarf að breytast. Við þurfum að skoða og sjá hvar hindranirnar og áskorarnirnar liggja.“
Stoney bendir á skortinn á fjölbreytileikanum í stærstu félögum deildarinnar. „Þú getur talið leikmennina sem eru úr minnihlutahóp á annarri hendi. Ég myndi segja að fjölbreytileikinn sé miklu verri í kvennadeildinni en í karladeildinni. Þetta verður að breytast,“ segir hún.
„Ég vil ekki að leikmönnum líði eins og þeir geti ekki verið í liðinu mínu vegna litarins á húðinni þeirra. Við verðum að hvetja alla til að taka þátt í leiknum. Ef ég sé ekki fólk eins og mig þá væri ég hrædd við að fara í það umhverfi. Við þurfum fyrirmyndir.“
