Gary Martin hefur skrifað undir 3ja ára samning við ÍBV og verður hjá félaginu út tímabilið 2023. Auk þess að vera leikmaður mun Gary þjálfa hjá yngri flokkum félagsins og vera með séræfingar.

Gary Martin kom til ÍBV sumarið 2019 og féll með liðinu úr efstu deild, hann lék svo með liðinu síðasta sumar þegar dýrt lið ÍBV mistókst að koma sér upp í efstu deild.

,,Mér hefur alltaf liðið vel í Vestmannaeyjum og mér líkar mjög vel við klúbbinn. Ég kom hingað til að vera þáttur af ákveðnu verkefni og vil leggja mitt af mörkum til að það takist og bæta stuðningsmönnum það sem þeir sáu á síðasta ári. Ég er mjög glaður og lít björtum augum á framtíðina í Vestmannaeyjum,“ sagði Gary við undirskrift.

Gary Martin hefur leikið með ÍA, Víkingi, KR og Val hér á landi auk ÍBV en enski framherjinn er litríkur karakter.