Liverpool tók á móti Chelsea í ensku úrvalsdeildinni í gær. Leikurinn endaði með 1-0 sigri Chelsea en leikið var á Anfield. Eina mark leiksins kom á 42. mínútu, það skoraði Mason Mount eftir stoðsendingu frá N’Golo Kanté. 1-0 sigur Chelsea staðreynd og um leið mikilvæg þrjú stig í pokann. Chelsea situr í 6. sæti deildarinnar með 44 stig.

Englandsmeistarar Liverpool sitja í 7. sæti með 43 stig og ljóst að félagið er í miklum vandræðum. Stuðningsmenn félagsins velta vöngum yfir því hvers vegna spilamennska liðsins hefur hrunið á síðustu mánuðum.

Liverpool var óstöðvandi í rúm tvö ár undir stjórn Jurgen Klopp en eftir að liðið vann ensku deildina í 30 ár hefur botninn hrunið úr leik liðsins.

Einn stuðningsmaður félagsins telur sig vera með svör við vandamálinu og hringdi inn á Talksport í Bretlandi. „Við erum í rauðum búningum með rauða litinn allt í kring á vellinum. Það er ekki bara Anfield, líka hjá Manchester United og Arsenal sem eru með allt rautt,“ sagði stuðningsmaðurinn sem telur að rauð sæti og rauðir búningar fari illa saman.

Stuðningsmenn hafa ekki getað mætt á völlinn í heilt ár. „Ég tel að litirnir trufli þegar menn eru að senda boltann, það tekur meiri tími að átta sig á því hvar leikmaðurinn er.“

Þegar hann var spurður að því af hverju þetta væri ekki eins fyrir Everton sem er með allt blátt. „Ef þú ert að mála og setur rautt ofan á rautt, þá er það verra en blátt ofan á blátt. Ég get lofað því að frammistaða Liverpool væri miklu betri ef stúkan væri í öðrum lit.“

„10 prósenta munur er kannski ekki mikill en hann skiptir miklu máli.“