Jurgen Klopp stjóri Liverpool telur að Ozan Kabak miðvörður félagsins verði ekki með gegn Fulham um helgina vegna meiðsla.

Kabak meiddist lítilega gegn Chelsea í gær þegar Liverpool tapaði fimmta heimaleik sínum í röð í gær.

Kabar er tvítugur en hann kom á láni frá Schalke í janúar, varnarmenn Liverpool hrynja niður einn af öðrum á þessu tímabili. Virgil van Dijk, Joe Gomez, Joel Matip og fleiri hafa meiðst. Þá er Jordan Henderson sem hefur verið að leysa stöðuna meiddur.

Nat Phillips kemur inn í varnarlínu Liverpool í fjarveru Kaba. „Ozan eftir leikinn er með smávægileg meiðsli,“ sagði Klopp.

„Hann hefur spilað marga leiki og við sjáum hvort hann geti spilað gegn Fulham. Það lítur ekki út fyrir það.“

Liverpool er í sjöunda sæti ensku úrvalsdeildarinnar og þarf liðið að snúa við genginu sem fyrst til að eiga möguleika á Meistaradeildarsæti.