Paul Pogba verður frá í nokkrar vikur eftir að hafa meiðst í leik gegn Everton í ensku úrvalsdeildinni um helgina. Þetta staðfesti Ole Gunnar Solskjær, knattspyrnustjóri Manchester United í samtali við MUTV.

Pogba mun að minnsta kosti missa af leikjum United gegn West Ham í enska bikarnum og báðum leikjum liðsins gegn Real Sociedad í Evrópudeildinni.

„Þetta eru meiðsli sem hann mun þurfa að taka sér nokkrar vikur í að vera góður af. Hann er byrjaður í endurhæfingu og vinnur náið með læknateymi okkar og við fáum hann aftur á völlinn eins fljótt og við getum,“ sagði Ole Gunnar Solskjær, knattspyrnustjóri Manchester United.

Pogba hefur spilað 28 leiki með Manchester United á tímabilinu, skorað þrjú mörk og gefið eina stoðsendingu.

Gengi Manchester United án Pogba er hins vegar miklu betra, liðið hefur unnið alla sjö leikina sem hann hefur ekki tekið þátt í. Enska blaðið The Sun tók saman.

Liðið skorar meira, fær færri mörk á sig og vinnur alla leiki, liðið skýtur oft á markið og heldur betur í boltann.