Dagný Brynjarsdóttir, er gengin til liðs við enska félagið West Ham United frá Selfossi. Þetta staðfestir félagið á heimasíðu sinni. Dagný gerir eins og hálfs árs samning við félagið.
West Ham spilar í efstu deild á Englandi, Dagný hefur alla tíð verið mikill stuðningsmaður liðsins.
„Það er draumur að rætast að ganga til liðs við félagið sem ég hef stutt allt mitt líf. Liðsfélagar mínir og starfsliðið hafa tekið vel á móti mér og mér líður strax eins og heima hjá mér,“ sagði Dagný eftir að hafa skrifað undir samning við West Ham.
Dagný á að baki 170 meistaraflokksleiki hér á landi, í þeim leikjum hefur hún skorað 61 mark. Þá á hún einnig að baki 90 landsleiki og hefur skorað 29 mörk í þeim leikjum.
Dagný hefur á sínum ferli leikið bæði hérlendis og erlendis, meðal annars með liðum á borð við Bayern Munchen og Portland Thorns. Hún lék 15 leiki með Selfossi á síðasta tímabili, hún skoraði 6 mörk í þeim leikjum.
Hún hefur orðið Íslandsmeistari í fjórgang og orðið bikarmeistari í þrígang. Þá varð hún einnig meistari með Portland Thorns árið 2017.
„Ég er mjög ánægður með að hafa fengið Dagnýju til West Ham. Hún passar fullkomlega inn í þau gildi og menningu sem við viljum að endurspeglist í leikmannahóp okkar. Sem stuðningsmaður West Ham hefur hún einnig byggt upp með sjálfri sér ástríðu og skilning á félaginu,“ sagði Ollie Harder, knattspyrnustjóri West Ham um Dagnýju.
⚒ She’s one of our own…
Welcome to West Ham United, @dagnybrynjars! 🇮🇸 ✍️ pic.twitter.com/xRW3fRrWqK
— West Ham United Women (@westhamwomen) January 28, 2021
