Ragnar Sigurðsson landsliðsmaður í knattspyrnu er mættur til Úkraínu og er spenntur fyrir nýrri áskorun á ferli sínum. Miðvörður­inn sem er 34 ára gam­all, skrifaði und­ir samn­ing sem gild­ir út tíma­bilið Rukh Vynnyky frá borg­inni Lviv. Liðið leikur í efstu deild þar í landi.

Ragnar yfirgaf FC Kaupmannahöfn á dögunum en þar hafði hann leikið í tæpt ár, þetta var í annað sinn sem þessi öflugi varnarmaður spilar fyrir félagið.

Ragnar svaraði spurningum stuðningsmanna sinna á Instagram í gær og mátti sjá mörg skemmtilega og áhugaverð svör. Eitt af þeim var þegar Ragnar var spurður að því, hver væri besti þjálfarinn á ferli hans.

„Hef haft marga góða þjálfara og þeir eru allir mismunandi á sinn hátt, hingað til er það samt Erik Hamren sem er númer eitt hjá mér,“ sagði Ragnar.

Hamren fékk Ragnar til að snúa aftur í landsliðið eftir að hann hafði ákvað að hætta að leika fyrir Ísland eftir Heimsmeistaramótið í Rússlandi. Hamren lét af störfum í nóvember eftir tvö ár í starfi.