Tvær viðureignir í ensku úrvalsdeildinni voru að klárast rétt í þessu, Manchester City valtaði yfir nýliða West Brom á meðan Arsenal hefndi sín á Southampton.

Það tók Manchester City litlar 6 mínútur til þess að komast yfir gegn West Brom en það var sjóðheitur Ilkay Gundogan sem að gerði mark City, Joao Cancelo bætti svo við öðru marki fyrir Manchester City á 20. mínútu. Gundogan var svo aftur á ferðinni þegar að hann bæti við sínu öðru marki en það gerði hann á 30. mínútu, Riyad Mahrez bætti svo við fjórða marki City á annarri mínútu uppbótatíma og staðan 4-0 í hálfleik.

Raheem Sterling gerði eina mark seinni hálfleik en það gerði hann á 57. mínútu og lokatölur 5-0 fyrir Manchester City sem að tillir sér á topp ensku úrvalsdeildarinnar.

Arsenal sem hefur ekki tapað sjö leikjum í röð í ensku úrvalsdeildinni kíkti til suðurhluta Englands í leit að hefnd eftir að Southampton sló liðið út úr FA Cup á dögunum.

Southampton byrjaði af krafti og var Stuart Armstrong búinn að koma heimamönnum yfir eftir 3. mínútna leik, Nicolas Pepe jafnaði hins vegar metin fyrir Arsenal fimm mínútum síðar og staðan orðin 1-1.

Ungstyrnið Bukayo Saka bætti við öðru marki Arsenal á 39. mínútu og staðan 1-2 í hálfleik, hann var svo aftur á ferðinni þegar að hann lagði upp mark Lacazette á 72. mínútu sem gulltryggði Arsenal 1-3 sigur sem færir þá upp í áttunda sæti deildarinnar.