Brian Medina knattspyrnumaður í Argentínu var fluttur á spítala um helgina eftir vægast sagt ljóta tæklingu. Varnarmaðurinn er 27 ára gamall. Medina leikur með Ituzaingo en liðið var að mæta Real Pilar og vann að lokum 6-5 sigur í vítaspyrnukeppni

Medina var fluttur á sjúkrahús eftir tæklingu frá Lucas Rios leikmanni Real Pilar. „Ég veit ekki hvort hann hafi ætlað sér þetta, hann skildi takkann eftir í löppinni á mér,“ sagði Medina.

Þótt ótrúlegt megi virðast þá hélt Medina leik áfram um skamma stund áður en sá sokkinn sinn sem var allur í blóði „Ég fann fyrir þessu, ég setti pressu á annan leikmann og þá sá ég að sokkurinn var allur í blóði.“

„Ég henti mér í jörðina og sagði dómaranum að þetta væri honum að kenna. Hann stóð tvo metra frá atvikinu og gerði ekkert.“

Þegar búið var að taka sokkinn niður, sást hversu alvarleg meiðsli Medina voru. Hann var fluttur með hraði á sjúkrahús. „Ég fór á sjúkrahús þar sem gert var að sárum mínum. Ég var saumaður og fjölskylda mín fór með mig á völlinn. Ég sá þrjár síðustu vítaspyrnurnar og gat fagnað.“

Myndin af löpp Medina er hér að neðan og er ekki fyrir viðkvæma.