Einn leikmaður úr karlaliði Breiðabliks hefur verið sendur í sóttkví vegna smits sem kom upp hjá einum leikmanni úr kvennaliði félagsins í gær.
Sigurður Hlíðar Rúnarsson deildarstjóri Breiðabliks staðfesti þetta í samtali við 433.is í kvöld. Leikmaðurinn hafði umgengist kvennaliðið á laugardag í útskriftarveislu.
Smitið kom upp í gær en karlalið Blika vann sigur á Keflavík í gærkvöld á Kópavogsvelli. Liðið mátti hins vegar ekki æfa á vellinum í dag þar sem allt svæðið var sótthreinsað.
Sigurður Hlífar sagði að leikmaðurinn færi nú í sóttkví en félagið hefur unnið náið með Almannavörnum í málinu í gær og í dag. Leikur liðsins gegn Fjölni á mánudag fer fram í efstu deild karla.
Allt kvennalið félagsins er farið í sóttkví eftir að smitið kom upp og spilar ekki næstu vikurnar vegna þess. Fleiri smit gætu komið upp í fótboltanum en eins og við sögðum frá í dag er grunur um smit hjá leikmanni Selfoss í efstu deild kvenna.
