Sebastian Starke Hedlund hefur skrifað undir nýjan samning við Val. Sebastian Hedlund sem er 25 ára gekk í raðir Vals fyrir tímabilið 2018 og hefur stimplað sig inn sem einn allra besti leikmaður efstu deildar.

Hann hefur á ferli sínum leikið fyrir félög eins og Schalke 04, GAIS, Kalmar FF og á að baki leiki fyrir landslið Svía U17, 13 leikir, U19, 13 leikir og U21 9 leikir.

Hedlund var að klára sitt þriðja tímabil með Val og hefur í tvígang orðið Íslandsmeistari með félaginu.

Eftir að KSÍ blés mótin af vegna kórónuveirunnar hafa Birkir Már Sævarsson og Haukur Páll Sigurðsson skrifað undir nýja samninga og nú Hedlund.