Mason Greenwood og Phil Foden ensku landsliðsmennirnir í knattspyrnu komust í kynni við íslenskar stúlkur í gegnum stefnumótaforritið Raya. Um er að ræða forrit sem aðeins útvaldir komast inn á.

Allir geta sótt um aðild að Raya en þangað komast aðeins örfáir inn, talað er um að aðeins átta prósent af þeim sem sækja um komist inn. Mál þess sem sækir um fer fyrir dómnefnd sem metur hvort aðilinn eigi heima þarna. Samkvæmt erlendum miðlum notar ríka og fræga fólkið Raya til að kynnast fólki.

Samkvæmt heimildum DV var það í gegnum þetta forrit sem Mason Greenwood komst í kynni við Nadíu Sif Líndal sem var önnur af íslensku stúlkunum sem heimsótti hótel enska landsliðsins síðasta sunnudag. Greenwood og Phil Foden brutu sóttvarnarreglur þegar þeir hittu Láru Clausen og Nadíu Sif Líndal. Eftir atvikið voru þeir reknir úr enska landsliðinu. Phil Foden og Lára Clausen kynntust svo í gegnum Nadíu og Mason eins og kom fram í samskiptum stúlknanna sem láku til fjölmiðla.

Notendur borga fyrir að vera á Raya en um er að ræða tæp 8 pund á mánuði, um 1500 íslenskar krónur. Þá getur notandi einnig keypt auglýsingu í forritinu sem er í snjallsímum. Samkvæmt heimildarmanni DV eru notendum Raya á Íslandi alltaf að fjölga.

Nadía hefur ekki viljað staðfesta að hún hafi kynnst Greenwood í gegnum Raya en fleiri stelpur komust í kynni við þá félaga í gegnum forritið samkvæmt heimildarmanni DV.

Fjöldi stjarna hefur notað þetta forrit en þar má nefna Demi Lovato, Channing Tatum, Niall Horan samkvæmt erlendum fjölmiðlum.