fbpx
Fimmtudagur 03.apríl 2025
433Sport

Guðni ósáttur með myndbandið – „Ég er ekki sammála“

Máni Snær Þorláksson
Sunnudaginn 30. ágúst 2020 13:55

Samsett mynd: Guðni Bergs til vinstri - Skjáskot úr myndbandinu til hægri

Ekki missa af Helstu tíðindum dagsins í pósthólfið þitt

Lesa nánar

BDS á Íslandi hefur fordæmt samning sem Knattspyrnusamband Íslands gerði við íþróttavöruframleiðandann Puma. Samtökin segja að með samningnum sé KSÍ að styðja við þau mannréttindabrot sem Ísrael hefur framið. Guðni Bergsson, formaður KSÍ, segist ekki vera sáttur með þessa skýringu.

BDS er alþjóðleg hreyfing sem hvetur til sniðgöngu, efnahagsþvingana og afturköllunar fjárfestinga í Ísrael þar til stjórnvöld þar í landi fylgja alþjóðalögum og virða mannréttindi Palestínumanna að fullu. BDS á Íslandi deildi myndbandi fyrir nokkrum dögum þar sem útskýrt var hvers vegna það að styðja við Puma jafngildi, að þeirra sögn, því að styðja við þau mannréttindabrot sem framin eru í Ísrael.

Mbl.is vakti athygli á myndbandinu sem BDS á Íslandi deildi í gær. „Knattspyrnusamband Íslands hefur gert samning við íþróttavöruframleiðandann PUMA um landsliðsbúninga. Það þýðir að næstu sex árin mun íslenska landsliðið í knattspyrnu spila undir merkjum Puma,“ segir í lýsingu myndbandsins sem birt var á Facebook.

„Stuðla að mannréttindabrotum“

„Puma er stoltur styrktaraðili landtökubyggða og hernáms, aðskilnaðarstefnu og mannréttindabrota ísraelskra stjórnvalda,“ segir einnig í lýsingunni og í myndbandinu er tekið fram að sex knattspyrnufélög innan sambandsins séu staðsett í ísraelskum landtökubyggðum. „Knattspyrnufélög í ísraelskum landtökubyggðum stuðla að mannréttindabrotum,“ segir í myndbandinu. Þá er einnig sagt frá því að fyrirtækið Delta Israel sé með einkaleyfi Puma þar í landi. „Delta er með útibú í ólöglegum landtökubyggðum.“

„Ég er ekki sammála“

Í samtali við DV sagði Guðni Bergsson, formaður KSÍ, að hann væri ekki sáttur með þessa skýringu hjá BDS Ísland. „Ég er ekki sammála henni,“ sagði Guðni og tók það fram að Ísrael væri, líkt og Palestína, hluti af knattspyrnusamfélaginu. „Í sjálfu sér þá vorum við ekki með í huga þessa tengingu hjá PUMA við Ísrael,“ sagði Guðni síðan.

Þá vildi hann einnig koma á framfæri öðru sjónarmiði. „Ég held að það sé almenn stefna í íþróttasamfélaginu að halda íþróttum og pólítík aðskildum, ég held að það sé sjónarmið sem megi hafa í huga í þessu.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 15 klukkutímum

Spá fyrir Bestu deildina – 11. sæti: „Heilt yfir slakara lið en í fyrra“

Spá fyrir Bestu deildina – 11. sæti: „Heilt yfir slakara lið en í fyrra“
433Sport
Fyrir 16 klukkutímum

Hverfandi líkur á að hann endi í Manchester United – Tvær ástæður fyrir því

Hverfandi líkur á að hann endi í Manchester United – Tvær ástæður fyrir því
433Sport
Fyrir 19 klukkutímum

Svona lítur spá þjálfara, fyrirliða og formanna út – Titillinn aftur í Fossvoginn

Svona lítur spá þjálfara, fyrirliða og formanna út – Titillinn aftur í Fossvoginn
433Sport
Fyrir 19 klukkutímum

Manchester United verður með í kapphlaupinu – Klásúlan opinberuð

Manchester United verður með í kapphlaupinu – Klásúlan opinberuð
433Sport
Fyrir 23 klukkutímum

Viðurkennir að hann eigi varla möguleika á að fá starfið – ,,Ég er ekki á sama stað og þeir“

Viðurkennir að hann eigi varla möguleika á að fá starfið – ,,Ég er ekki á sama stað og þeir“
433Sport
Í gær

40 þúsund manns létu sjá sig til að styðja unglingana

40 þúsund manns létu sjá sig til að styðja unglingana