HK hefur samið við sóknarmanninn Stefan Alexander Ljubicic til þriggja ára.
Stefan er fæddur 1999 og kemur til HK frá Riga í Lettlandi.
Stefan lék með Grindavík í Pepsi Max deildinni árið 2019.
Stefan lék sína fyrstu leiki í efstu deild tæplega 16 ára gamall fyrir Keflavík áður en hann hélt til Brighton 2016 þar sem hann spilaði með unglinga og varaliðum félagsins.
Stefan á 17 leiki með yngri landsliðum Íslands.
Þess má geta að faðir Stefans, Zoran Daníel Ljubicic lék fyrir HK 1992 til 1993.
