Ole Gunnar Solskjær, stjóri Manchester United, hefur staðfest að félagið gæti reynt að fá leikmenn á láni í janúar.
Marcus Rashford verður frá í allt að þrjá mánuði vegna bakmeiðsla og bætist við meiðslalista liðsins.
United tapaði 2-0 gegn Liverpool í dag og eftir leik staðfesti Solskjær möguleg viðskipti í janúar.
,,Við höfum lent í mörgum meiðslum hjá stórum leikmönnum á tímabilinui. Anthony Martial var frá í mánuði, Scott McTominay líka. Paul Pogba hefur misst af hálfu tímabilinu,“ sagði Solskjær.
,,Glugginn er opinn og það gæti því verið að við leitum að skammtímalausn. Það gæti reddað okkur þar til í sumar.“
,,Við erum ekki örvæntingafullir. Ef rétti leikmaðurinn er til staðar þá getum við keypt hann. Ef lán er í boði þá er það líka möguleiki.“