Liverpool hefur samþykkt 2 milljóna punda tilboð frá Fiorentina í framherjann, Bobby Duncan.
Allt fór í háaloft í síðustu viku þegar umboðsmaður Duncan var með læti, hann sakaði Liverpool um óheiðarleg vinnubrögð.
Saif Rubie, umboðsmaður Duncan var ósáttur en skjólstæðingur hans er að glíma við kvíða og þunglyndi. Vegna meðferðar Liverpool. ,,Við áttum fund með Liverpool á síðustu leiktíð, þar var okkur boðið að finna félag fyrir hann. Þeir vissu að Bobby var ekki ánægður hjá felaginu,“ sagði Rubie í síðustu viku.
Nú greina ensk blöð frá því að Liverpool hafi neitað að kvitta upp á söluna, nema að Rubie færi af öllum pappírum. Þannig kemur félagið í veg fyrir að umboðsmaðurinn fái peninga fyrir skiptin.
Duncan er 18 ára gamall en framherjinn er frændi Steven Gerrard. Liverpool fær 20 prósent af næstu sölu á Duncan.
,,Bobby missti af leik með varaliðinu í síðustu viku, því hann glímir við andleg vandamál sem félagið hefur sett hann undir. Stress, vegna þess að félagið ætlaði að leyfa honum að fara en banna það núna“
