Það fór fram frábær leikur í ensku úrvalsdeildinni í gær er Manchester United heimsótti Wolves. Það vantaði ekki fjörið á Molineaux en United tók forystuna í fyrri hálfleik með góðu marki Anthony Martial.
Staðan var 1-0 í hálfleik en í þeim síðari þá jafnaði Ruben Neves metin fyrir Wolves með stórkostlegu skoti fyrir utan teig. Stuttu seinna fékk United vítaspyrnu og steig Paul Pogba á punktinn – hann fiskaði spyrnuna sjálfur. Rui Patricio sá hins vegar við Pogba á punktinum en spyrna franska landsliðsmannsins var slök. Það var fjör á síðustu mínútum leiksins en fleiri voru mörkin ekki og lokastaðan, 1-1.
Pogba hefur verið teiknaður upp sem skúrkur en hann hefur fengið mörg ógeðsleg skilaboð á netinu. Mirror fjallar um málið en um er að gróft kynþáttaníð, N-orðið er mikið notað. Manchester United hefur nú sent frá sér yfirlýsingu vegna málsins. ,,Manchester United er með óbragð í munni vegna kynþáttaníðs í garð Paul Pogba,“ segir meðal annars.
Knattspyrnuheimurinn er að ógeð af ofbeldinu sem er á veraldarvefnum, þar er mikið af fólki sem kemur fram án nafns og lætur ljót ummæli falla. Knattspyrnumenn vilja breytingar á samfélagsmiðlum.
,,Þetta er komið nóg, þetta þarf að hætta Twitter,“ sagði Marcus Rashford framherji enska landsliðsins, mest af fordómunum er á Twitter.
Harry Maguire samherji Pogba og Rashford leggur orð í belg. ,,Ógeðslegt, samfélagsmiðlar verða að gera eitthvað. Allir sem fá aðgang ættu að þurfa að sanna nafn sitt með vegabréfi eða ökuskírteni. Það þarf að stöðva þessa einstaklinga sem haga sér svona.“
