Stórt félag hafði samband við Borussia Dortmund í sumar og hafði áhuga á að kaupa hann, svarið var einfalt, þessi 19 ára drengur er ekki til sölu.

Flestir telja að þarna sé um að ræða Manchester United en félagið hefur mikinn áhuga á að fá kantmanninn knáa. Sancho er stuðningsmaður Manchester United og er sagður vilja spila fyrir félagið.

,,Stjórnarformaður hjá stóru félagi spurði mig í upphafi sumars hvort Sancho gæti verið til sölu, ég sagði honum að gleyma því. Hann hafði aldrei samband aftur,“ sagði Joachim Watzke hjá Dortmund.

,,Hann vissi að það sem ég sagði, væri sannleikurinn. Það eru ekki margir 19 ára leikmenn með svona hæfileika, hann er ekki frá Þýskalandi. Hann hefur ekki neinar rætur hérna.“

,,Þú verður því að skoða stöðu hans á hverju ári, ef erlendur leikmaður vill skoða aðra kosti þá þarf alltaf að meta augnablikið.“