Hannes Þór Halldórsson, landsliðsmarkvörður, hefur fengið grænt ljós á að skella sér út um helgina.

Hannes spilaði með Íslandi gegn Tyrkjum á þriðjudag en strákarnir unnu frábæran 2-0 heimasigur.

Félagi Hannesar, Gylfi Þór Sigurðsson, giftir sig erlendis um helgina og var óvíst hvort Hannes gæti mætt.

Hannes staðfesti það hins vegar í dag að hann væri meiddur og má því ferðast til Ítalíu.

Hannes greindi frá þessu í samtali við Fótbolta.net og segir að hann gæti verið frá í allt að tíu vikur þó að það sé líklegt að það verði minna.

Ólafur Jóhannesson, þjálfari Vals, gaf Hannesi leyfi til að fara til Ítalíu og mun hann missa af leik Vals og ÍBV um helgina.

,,Það stóð nú ekki til að fara en úr því að þetta gerðist þá settist ég niður með Óla og hann hvatti mig til þess að taka mér nokkra daga pásu og skella mér. Ég fæ nokkra daga off og ég get því fagnað þessu með Gylfa“ sagði Hannes við Fótbolta.net.

Meira:
Tæki hamar og myndi hamra í andlit Hannesar ef hann bæði um að fara í brúkaup Gylfa