Nemanja Matic ætlar að reyna að losna frá Manchester United í janúar, ef marka má fréttir í heimalandi hans.
Sata24 í Serbíu segir að Matic hafi áhyggjur af spilatíma sínum, Scott McTominay hefur tekið stöðuhans í liðinu.
Matic var slakur á síðustu leiktíð og virðist Ole Gunnar Solskjær, stjóri United hafa litla trú á honum.
Antonio Conte þjálfari Inter er sagður vilja fá Matic til Ítalíu en hann er afar vel launaður hjá United, sem gæti flækt málið.
Matic er á sínu þriðja tímabili hjá United en félagið borgaði Chelsea um 40 milljónir punda fyrir hann.
