Sverrir Ingi Ingason, landsliðsmaður, viðurkennir að hann sé orðinn pirraður á stöðu sinni í Grikklandi.

Sverrir er á mála hjá PAOK en hann fær lítið að spila, hann er þó hluti af landsliðinu sem spilar við Frakkland og Andorra á næstu dögum.

,,Það gekk ekki eins og ég vonaðist til en ég reyndi allt sem ég gat til að hjálpa mér og minni stöðu þar,“ sagði Sverrir.

,,Maður hefur þurft að bíða helvíti lengi og vonandi núna fæ ég fleiri tækifæri og get hjálpað liðinu og landsliðinu meira í komandi verkefnum. Það er mikilvægt að við séum að fá leiki.“

,,Ég held að allir leikmenn sem vilja vera spila á hæsta leveli, þá er þetta erfitt og getur tekið á til lengri tíma en það er gott að komast í þetta öðruvísi umhverfi og breyta til.“

,,Laugardalsvöllurinn gefur okkur mikla von, sérstaklega eftir leikinn í París þar sem við vorum ekki samkvæmir sjálfum okkur og gerðum of mörg mistök, við þurfum að leiðrétta það.“

Ísland Frakkland: Sverrir Ingi Ingason – 09.10.19 from DV Sjónvarp on Vimeo.