Granit Xhaka, fyrirliði Arsenal, reif sig úr að ofan og sagði stuðningsmönnum liðsins að fara til fjandans um helgina. Xhaka var tekinn af velli í leik gegn Crystal Palace og þá var baulað hressilega á miðjumanninn.
The Athletic fjallar um málið og segist hafa heimildir fyrir því að Xhaka hafi farið heim, áður en leiknum lauk. Forráðamenn Arsneal hafa svo boðað hann á fund sinn.
,,Þetta er erfitt fyrir hann og liðið, hann er í rusli,“ sagði Unai Emery, fyrir leikinn gegn Liverpol í kvöld.
Nú hafa ensk blöð greint frá því að Arsenal hafi áhyggjur af andlegri heilsu Xhaka, félagið hefur boðið honum að sækja sér sálfræðitíma. Félagið telur það gott fyrir Xhaka að ræða mál sín við óháðan aðila, til að létta af sér.
Stuðningsmenn Arsenal er ósáttir með að Xhaka hafi ekki beðist afsökunar, en hann hendir Arsenal á haugana á Instagram. Hann breytti forsíðumynd sinni þar, tók út Arsenal mynd og setti mynd af sér í treyju Sviss. Greinilega afar ósáttur.
