Stórleikur helgarinnar í ensku úrvalsdeildinni fór fram í gær á Old Trafford í Manchester. Manchester United fékk þá Lierpool í heimsókn en leiknum lauk með jafntefli.

Þetta var í fyrsta sinn á tímabilinu sem Liverpool tapar stigum í deildinni. Marcus Rashford skoraði fyrsta mark leiksins fyrir United nokkuð seint í fyrri hálfleik. Staðan var 1-0 þar til á 85. mínútu en Adam Lallana tryggði gestunum þá eitt stig. Lokastaðan, 1-1.

Það vakti athygli eftir leik þegar Alex-Oxlade Chamberlain leikmaður Liverpool fór að ögra stuðningsmönnum, Manchester United. Hann gekk að þeim eftir leik og brosti út að eyrum.

,,Farðu til fjandans;“ var öskrað á Chamberlain sem reyndi að taka í hendur á stuðningsmönnum United á milli þess sem hann glotti og fagnaði stiginu.

Chamberlain hóf leikinn sem varamaður og þegar hann var að hita upp, fékk hann það óþvegið frá þessum stuðningsmönnum United. Hann ákvað því að svara fyrir sig og ögra þeim til baka, að leik loknum.