Ole Gunnar Solskjær, tímabundinn stjóri Manchester United ætlar ekki að svara gagnrýni Jose Mourinho á Paul Pogba.

Mourinho tjáði sig í fyrsta sinn í gær og sendi pillur á Pogba sem var ein stærsta ástæða þess að Mourinho missti starfið. Pogba og fleiri stjörnur vildu ekki lengur spila fyrir Mourinho.

,Sá frasi sem ég hef alltaf haldið í, sá stærsti í úrvalsdeildinni, Sir Alex [Ferguson] sagði þetta,“ sagði Mourinho.

,,´Daginn sem leikmaðurinn er mikilvægari en félagið, bless!’ – það er ekki þannig lengur.“

Solskjær var spurður um þessa gagnrýni. ,,Ég get lítið sagt um það sem hann sagði, ég nýt þess að vinna með þessum strákum. Það er það eina sem ég get sagt,“ sagði Solskjær.

Solskjær telur að Jose Mourinho muni fá stórt starf aftur í boltanum. ,,Af hverju fær hann það ekki? Hann er frábær stjóri sem hefur náð góðum úrslitum. Hann verður ekki í vandræðum með að finna vinnu.“

,,Hjá Manchester United ferðu í alla leiki sem stjóri og þjálfari til að vinna. Þannig hugsar þetta félag.“