Leigubílasögurnar eru daglegur liður hér á 433.is. Í þessum lið er farið yfir helsta slúðrið og sögusagnirnar úr fótboltanum, aðallega úr bresku pressunni.
Félagaskiptaglugginn í Evrópu hefur nú opnað á nýjan leik og eru fjölmörg félög að horfa í kringum sig.
Hér má sjá pakka dagsins.
——–
Aaron Ramsey hefur samþykkt að ganga í raðir Juventus í júní. (Guardian)
Atletico Madrid hefur áhuga á að fá Alvaro Morata framherja Chelsea á láni. (Goal)
Chelsea ætlar að tilkynna FC Bayern til FIFA ef þeir finna út úr því hvort félagið hafi rætt ólöglega við Calum Hudson-Odoi. (Mail)
Bayern mun gefa Hudson-Odoi treyju númer 10 þegar Arjen Robben fer í sumar. (Sun)
Real Madrid ætlar að keppa við Manchester United um Kalidou Koulibaly varnarmann Napoli og bjóða 90 milljónir punda í hann. (Talksport)
Burnley hefur sett 50 milljóna punda verðmiða á James Tarkowski en Liverpool vill hann á láni. (Sun)
Tottenham hefur áhuga á Joachim Andersen miðverði Sampdoria til að fylla skarð Toby Alderweireld. (Independent)
Manchester City vill fá Declan Rice frá West Ham til að fylla skarð Fernandinho til lengri tíma. (Sun)
Ole Gunnar Solskjær hefur tjáð Marcus Rashford að hann sé fyrsti framherji félagsins. (Star)
Manolo Gabbiadini er að fara frá Southampton til Sampdoria fyrir 11,7 milljónir punda. (Guardian)
Bournemouth hefur áhuga á að fá James McCarthy á láni frá Everton. (Mai)
Forseti Barcelona hefur lofað Denis Suarez að hann geti farið frá félaginu, Arsenal hefur áhuga. (Marca)
Arsenal horfir til Hector Herrera miðjumanns Porto, frítt næsta sumar. (Tutto)
Unai Emery stjóri Arsenal hefur samþykkt að félagið reyni að fá Yannick Carrasco kantmann Dalian Yifang. (Mercato)
