Eiður Smári Guðjohnsen, einn fremsti knattspyrnumaður í sögu Íslands er helsti sérfræðingur Símanns þegar kemur að enska boltanum.
Eiður Smári var sérfræðingur á Vellinum, sem er uppgjörsþáttur Símans um ensku úrvalsdeildina.
Þar ræddi hann um Paul Pogba, leikmann Manchester United. Sá átti slakan leik í jafntefli gegn Southampton um helgina.
„Paul Pogba minnti mig á leikmann sem var settur í varaliðið til að komast í leikform. Hann getur gert mann bilaðan. Hann er stór og sterkur en hann missti boltann trekk í trekk. Þetta er heimsmeistari í fótbolta og þetta gerir mig pirraðan og ég er ekki United-maður,“ sagði Eiður á Vellinum.
„Hann á að vera leiðtogi í þessu liði. Ég get ímyndað mér að það að vera þjálfarinn hans sé ekki bara erfitt heldur skrautlegt. Þegar hann hefur áhuga og gerir hlutina eins og hann kann að gera þá er þetta sá leikmaður sem á að geta rifið Manchester United upp,“
Umræðuna má sjá hér að neðan.
