Bobby Duncan leikmaður Liverpool, hefur ekki yfirgefið heimili sitt í fjóra daga og neitar að mæta á æfingar hjá félaginu. Hann segir félagið leggja sig í einelti.

Þessi 18 ára leikmaður vill fara frá Liverpool en félagið hefur hafnað öllum tilboðum. Bobby er frændi Steven Gerrard, fyrrum fyrirliða Liverpool.

Fiorentina á Ítalíu vill fá Bobby, ítalska félagið vill taka hann á láni en kaupa hann eftir fimm leiki í byrjunarliðinu. Því hafnar Liverpool.

Saif Rubie, umboðsmaður Duncan er ósáttur en skjólstæðingur hans er að glíma við kvíða og þunglyndi. Vegna meðferðar Liverpool. ,,Við áttum fund með Liverpool á síðustu leiktíð, þar var okkur boðið að finna félag fyrir hann. Þeir vissu að Bobby var ekki ánægður hjá felaginu,“ sagði Rubie.

,,Við höfðum fundið félag, sem vill fá Bobby á láni og borga síðan 1,5 milljón punda í kaupverð ef hann stendur sig. Því hafnaði Liverpool, þá fengu þeir tilboð um að Bobby færi á láni og yrði keyptur fyrir hærra verð eftir fimm byrjunarliðsleiki.“

,,Bobby missti af leik með varaliðinu á mánudag, því hann glímir við andleg vandamál sem félagið hefur sett hann undir. Stress, vegna þess að félagið ætlaði að leyfa honum að fara en banna það núna“

,,Bobby hefur ekki yfirgefið herbergi sitt í fjóra daga og mun aldrei mæta aftur á æfingu hjá Liverpool. Ég hef áhyggjur af andlegri heilsu hans.“

Rubie heldur því svo fram að Liverpool sé að leggja Bobby Duncan í einelti.