Pepsi Max-mörkin fóru fram á Stöð2 Sport í gær, þar vakti mikla athygli, umræða um Hannes Þór Halldórsson. Landsliðsmarkvörður Íslands er meiddur. Hann fékk leyfi, að fara í brúðkaup til Gylfa Þórs Sigurðssonar og Alexöndru Helgu Ívarsdóttur.
Hannes meiddist í sigri Íslands á Tyrklandi, á þriðjudag. Sökum þess gaf Ólafur Jóhannesson, þjálfari Vals, honum leyfi til að fara í brúðkaup Gylfa og Alexöndru á Ítalíu. Veislan fór fram í gær.
Hannes gekk í raðir Vals í vor og er mikilvægur hlekkur í liði Íslandsmeistarana. Liðið vann góðan sigur á ÍBV í Pepsi Max-deild karla í gær.
,,Hannes Þór spilaði báða landsleikina, hann er sagður meiddur. Hann fær leyfi frá Óla til að fara til Ítalíu í þetta brúðkaup. Liðið þitt er í neðsta sæti deildarinnar. Þú ert einn launahæsti, ef ekki launahæsti leikmaður deildarinnar, ert á fjögurra ára samningi. Félagarnir þínir eru í þessari baráttu, þú ferð í þetta brúðkaup. Hefðir þú farið?,“ sagði Hörður Magnússon, skipstjóri þáttarins.
Reynir Leósson var einn af sérfræðingum þáttarins í gær. Reynir segir að hann hefði aldrei farið. Valur vann sigur á ÍBV í gær, án Hannesar sem var að skemmta sér á Ítalíu.
,,Ég hefði ekki farið, þessi staða hefur ekki komið upp hjá mér. Ég hefði ekki farið, það er mikil ábyrgð á herðum Hannesar. Þá er það ábyrgð hjá honum að vera með þeim í blíðu og stríðu. Hann hefur verið einn þeirra besti leikmaður. Þetta kom mér á óvart.“
,,Ég hefði ekki farið í þetta, þetta er frábært brúðkaup. Ég hefði aldrei gert þetta.“
Hörður spurði þá Atla viðar Björnsson. ,,Hvaða skilaboð er Hannes að senda? Að brúðkaup á Ítalíu er mikilvægari en þið.“
Atli taldi að Hannes hefði sett þjálfara sinn í vonda stöðu. ,,Mér finnst hann vera að setja Óla í mjög erfiða stöðu með því að fara. Ég efast ekki í eina mínútu að hann sé meiddur, að setja myndir á Instagram. Mér finnst hann gera Óla og Val sem félagi óleik.
Hörður velti því þá fyrir sér hvort Ólafur hefði verið að athuga, hvernig karakter Hannes hefur að geyma. ,,Var Óli að komast að því, hvaða hug Hannes ber til félagsins?,“ sagði Hörður
Reynir svaraði. ,,Ég held að Óli hugsi margt, hann er búinn að þjálfa marga leikmenn. Ég veit ekki hvað hann er að hugsa. Hann vann leikinn án Hannesar, það kemur í ljós hvað hann var að hugsa í næstu leikjum. Það verður spennandi að sjá hvernig framhaldið verður. Þetta var einkennilegt.“
