Margir knattspyrnuaðdáendur voru undrandi í gær eftir atvik sem kom upp á St. Mary’s, heimavelli Southampton.

Liverpool vann þar 3-1 sigur á heimamönnum og tryggði sér um leið toppsætið.

Það voru þeir Jamie Carragher og Gary Neville sem sáu um að ræða leikinn á Sky Sports eftir lokaflautið.

Þeir tveir eru góðir félagar og hafa nú í nokkur ár séð um að fara yfir helstu atvik úrvalsdeildarinnar.

Eftir leikinn fengu tvímenningarnir spurningu frá blaðakonu Sky, Kelly Cates, sem stóð á vellinum ásamt þeim félögum.

Eftir að hún hafði spurt spurninguna þá löbbuðu Carragher og Neville burt og ræddu málið sín á milli frekar en að ræða við Cates.

Cates hefur nú komið í veg fyrir allan misskilning og segir að þeir hafi aðeins verið á leið að taka viðtal við Ralph Hasenhuttl, stjóra Southampton.

,,Þeir voru að fara taka viðtal við Hasenhuttl í leikmannagöngunum. Það hefði verið skrítið hefðu þeir labbað þangað án þess að hafa eitthvað að segja á leiðinni!“ sagði Cates.

What the fuck…pic.twitter.com/irpP57qKaI

— Football HQ (@FootbaII_HQ) 5 April 2019