Edda Sif Pálsdóttir, íþróttafréttakona á RÚV fékk á baukinn í gær á samfélagsmiðlum og í frétt á Vísir.is. Þar var fjallað um mynd sem hún setti á Instagram.

Edda var þá á leið til vinnu á RÚV og skrifaði við myndina. „Helgarfrí er fyrir homma og kellingar“.

Edda setti færsluna á sína Instagram síðu sem er lokuð, tekið var skjáskot af færslunni og hneyksluðust einhverjir á orðanotkun hennar.

Theodór Elmar Bjarnason, landsliðsmaður í knattspyrnu skilur ekki hvernig fólk fer í uppnámi yfir svona hlutum.

,,Að valda einhverjum UPPNÁMI með brandara sem annaðhvort hittir í mark eða ekki er rosalega sérstakt að mínu mati!,“ skrifar Elmar sem er iðulega, óhræddur við að viðra skoðanir sínar.“

Hann segir að svona fréttir eigi ekki rétt á sér, þetta sé vandræðalegt fyrir fólk.

,,Gálgahúmor á lokuðu Instagrammi sem er ætlaður fólki sem þekkja mann er ekki fréttnæmt og hreinlega vandræðalegt fyrir fólk sem er að gera mál úr því!“

Að valda einhverjum UPPNÁMI með brandara sem annaðhvort hittir í mark eða ekki er rosalega sérstakt að mínu mati!
Gálgahúmor á lokuðu Instagrammi sem er ætlaður fólki sem þekkja mann er ekki fréttnæmt og hreinlega vandræðalegt fyrir fólk sem er að gera mál úr því!

— Elmar Bjarnason (@ElmarBjarnason) March 24, 2019