Björgólfur Thor Björgólfsson, einn ríkasti maður í heimi fagnar í dag afmæli sínu. Björgólfur fæddist 19 mars árið 1967.
Það verður væntanlega mikið að gera hjá Björgólfi að taka við kveðjum í dag en erfitt verður að toppa kveðjuna sem David Beckham sendi honum.
Beckham birti mynd af þeim félögum saman á Instagram síðu sinni og skrifaði þar stutta ástarjátningu.
,,Til hamingju með daginn ástin,“ skrifar Beckham og birtir mynd af sér og Björgólfi á skíðum en þeir félagar hafa brallað ýmislegt saman.
Björgólfur og Beckham eru nágrannar í London en Beckham kom einu sinni með honum til Íslands. Þá hafa þeir farið í frí með fjölskyldur sínar til Bandaríkjanna.
Björgólfur Thor var mættur á bardaga Gunnars Nelson í London á laugardag, þar sat hann með Guy Ritchie.
Kveðjuna frá Beckham má sjá hér að neðan.
