Leigubílasögurnar eru daglegur liður hér á 433.is. Í þessum lið er farið yfir helsta slúðrið og sögusagnirnar úr fótboltanum, aðallega úr bresku pressunni.

Félagaskiptaglugginn í Evrópu er lokaður í stærstu deildunum en slúðrið heldur áfram að rúlla.

Hér má sjá pakka dagsins.

Real Madrid vill fá markvörðinn David de Gea frá Manchester United í sumar eftir endurkomu þjálfarans Zinedine Zidane. (Mirror)

Real hefur einnig áhuga á að semja við miðjumanninn Christian Eriksen sem spilar með Tottenham. (Star)

Real gæti reynt að selja vængmanninn Gareth Bale til Chelsea og skipta á honum og miðjumanninum Eden Hazard. (Express)

Tottenham reynir við Ryan Sessegnon, ungstirni Fulham en hann myndi kosta 50 milljónir punda. (Mirror)

Mauricio Pochettino, stjóri Tottenham, hefur sent njósnara til Portúgals að fylgjast með Joao Pedro, leikmanni Benfica. (Star)

Inter Milan er tilbúið að selja framherjann Mauricio Icardo og vængmanninn Ivan Perisic en Arsenal og Manchester United hafa áhuga. (Gazzetta dello Sport)

Arsenal hefur einnig áhuga á bakverðinum Aaron Wan-Bissaka sem spilar með Crystal Palace. (Sun)

Tottenham, Manchester United og Manchester City vilja öll frá Tanguy Ndombele, leikmann Lyon. (Calciomercato)