Angel Di Maria vandar ekki Louis van Gaal, fyrrum stjóra Manchester United kveðjurnar. Van Gaal var stjóri United þegar Di Maria var keyptur til United árið 2014.
Ári síðar vildi hann fara, hann þoldi ekki Van Gal og hans hugmyndafræði.
,,Ég var hjá United og það var allt að ganga vel fyrstu tvo mánuðina, sambandið við Van Gaal var gott,“ sagði Di Maria.
Di Maria fór til PSG og hann snéri aftur á Old Traffod og lagði upp bæði mörkin í 0-2 sigri.
,, Eftir eitt rifrildi, þá breyttist allt. Samband okkar varð aldrei eins, rifrildi mitt við Van Gaal var vegna þess að hann ræddi bara um neikvæða hluti við mig og hélt aftur af mér.“
,,Ég lét hann heyra það einn daginn, ég sagði að ég vildi ekki sjá þessa hluti aftur. Ég væri að gera vel, ég bað hann um að sýna mér það góða líka.“
,,Van Gaal var ekki sáttur hvernig ég talaði við hann og þar byrjaði vandamálið.“