Joe Gomez, varnarmaður Liverpool fer í aðgerð í dag, tíðindi sem hann hafði vonast við að sleppa við.
Varnarmaðurinn ætti að spila aftur á þessu tímabili en hann verður hins vegar frá í sex til átta vikur eftir aðgerðina.
Gomez brotnaði á fæti þann 5 desember í leik gegn Burnley, þá var talið að hann yrði frá í sex vikur.
Varnarmaðurinn öflugi verður hins vegar lengur frá, hann hefur nú verið á hliðarlínunni í tvo mánuði og það gætu verið tveir mánuðir í að hann spili aftur.
Gomez mun missa af stórleikjum en hann getur ekki spilað gegn Manchester United og Everton og missir af tveimur leikjum gegn FC Bayern í Meistaradeildinni.
Gomez og Virgil van Dijk höfðu verið frábærir saman í hjarta varnarinnar hjá Liverpool.
