Leitin að Emilano Sala framherja Cardiff hefur ekki neinn árangur borið, hann hefur verið týndur í tíu daga. Flugvél sem Sala var um borð í hvarf sporlaust og hefur ekki tekist að finna hana eða farþega hennar.
Sala var um borð í vélinni ásamt flugmanni en hann var á leið frá Nantes til Cardiff, til að mæta á sína fyrstu æfingu. Sala var framherji Nantes áður en hann var seldur til Cardiff en þar var liðsfélagi Kolbeins Sigþórssonar.
Sala átti að vera í stóru hlutverki hjá Cardiff og hjálpa liðinu að bjarga sér frá falli.
Willie McKay, umboðsmaður hefur staðfest að hann hafi beðið David Henderson sem er reyndur flugmaður um að fljúga vélinni.
Henderson var upptekin og bað Dave Ibbotson um að fljúga vélinni sem beið í Nantes í tvo daga. Seinna hefur komið í ljós að Ibbotson hafði sent vini sínum á Facebook að hann væri frekar ryðgaður á vélini, degi fyrir flugið örlagaríka.
Ibbotson hafði aðeins leyfi til að fljúga svona litlum einkaflugvélum en hafði ekki tíma og reynslu til að fljúga stærri vélum eða vera í almennum farþegaflutningi.
