Sadio Mane leikmaður Liverpool fullyrðir það að Liverpool verði enskur meistari, hann sér það ekki fyrir sér að leikmenn liðsins misstígi sig.

Mane segir að Liverpool verði enskur meistari, liðið er fjórum stigum á undan Manchester City á toppi deildarinnar.

Liverpool var afar nálægt því að verða enskur meistari árið 2014 en misstök á lokasprettinum tryggði City sigur í deildinni.

,,Þetta er ekki lið sem klikkar á ögurstundu, við verðum meistarar,“ sagði Mane sem er ein af stjörnum liðsins.

,,Ég er alveg viss um að við verðum enskir meistarar, þegar ég vakna, þá fer ég ekki á æfingu og hugsa um að við verðum ekki meistarar.“

,,Við ætlum að sanna það að við séum besta lið Englands.“

Liverpool hefur ekki unnið ensku deildina í 29 ár og stuðningsmenn félagsins eru spenntir fyrir því að binda enda á þessa erfiðu tíma.