fbpx
Þriðjudagur 29.apríl 2025
433Sport

Martröð Kristins Freys: Fór í litla aðgerð 10. desember en hefur legið á spítala síðan

Hörður Snævar Jónsson
Fimmtudaginn 3. janúar 2019 11:00

Ekki missa af Helstu tíðindum dagsins í pósthólfið þitt

Lesa nánar

Kristinn Freyr Sigurðsson, leikmaður Vals í Pepsi-deild karla í fótbolta, hefur legið á spítala í tæpan mánuð. Kristinn Freyr fór í nokkuð litla aðgerð þann 10. desember síðastliðinn. Hann átti að jafna sig fljótt og geta byrjað að æfa knattspyrnu aftur skömmu síðar en raunin varð allt önnur.

Kristinn Freyr hafði verið að glíma við meiðsli í hné um nokkurt skeið og átti að laga þau meiðsli, sýking komst hins vegar í skurðinn og hefur Kristinn legið á spítala síðan með sýklalyf í æð.

„Ég ligg ennþá hérna á spítalanum,“ sagði Kristinn Freyr í samtali við 433.is þegar blaðamaður hafði samband við hann í dag og spurði um ástand hans eftir aðgerðina.

„Ég lagðist hérna inn þann 10. desember, það átti að laga rifu sem var í liðþófanum og bólgur sem voru í sinum í hnénu. Ég var búinn að glíma við þessi meiðsli í eitt ár, það átti bara að laga þetta svo ég yrði klár í slaginn fyrir næsta tímabil. Ég fæ svo sýkingu og ástandið er bara óljóst.“

Kristinn verður frá næstu mánuðina og stendur það tæpt að hann verði með Íslandsmeisturum Vals í upphafi tímabils. Pepsi-deildin fer af stað í lok apríl.

,,Ég fæ sýklalyf í æð fjórum sinnum á sólarhring, ég verð eitthvað lengur frá en ég átti von á þegar ég lagðist hérna inn 10. desember. Nú er talað um 4 til 6 mánuði, ég er kappi við tímann við að ná byrjuninni í Pepsi-deildinni. Ástandið er bara óljóst.“

Sýkingin kom til vegna baktería sem voru í Kristni. „Þetta er algjör óheppni, þetta eru bakteríur úr mér sem laumast í einhvern skurð. Ég er bara búinn að liggja í rúminu síðan,“ segir Kristinn sem telur sig þó vera heppinn að einhverju leyti.

,,Ef bakterían hefði verið skæðari þá hefði ég ekki getað spilað fótbolta aftur, ef hún hefði verið skæðari þá hefði hún getað ráðist á liði og brjósk, þá eru ekki miklar líkur á því að ég hefði spilað fótbolta aftur. Það kemur í ljós á næstu dögum hvenær ég útskrifast, ég fer í blóðprufu annan hvern dag. Ég fæ bara sýklalyfin í æð og það er verið að bíða eftir því að einhverjar tölur lækki. Þær hafa verið að gera það og ég er því bjartsýnn.“

Kristinn fær stundum að skreppa heim en hann eyddi jólum og áramótum á spítalanum. „Það var nú ekkert sérstakt. Þessi jól og áramót fara ekki í sögubækurnar. Ég er búinn að lesa mikið, minna að horfa á Netflix. Ég fæ stundum að fara heim á milli gjafa en þarf alltaf að sofa hérna,“ sagði Kristinn en hvernig hefur andlega hliðin verið?

,,Ég átti að fara í endurhæfingu og ræktina bara nokkrum dögum eftir aðgerð, það er heldur betur búið að breytast. Ég er sterkur andlega og tek þetta bara á kassann.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 14 klukkutímum

Ríkharð reiður eftir laugardagskvöldið og gefst upp – „Ég hata þetta lið, þetta er ótrúlegt“

Ríkharð reiður eftir laugardagskvöldið og gefst upp – „Ég hata þetta lið, þetta er ótrúlegt“
433Sport
Fyrir 15 klukkutímum

Stuðningsmenn Liverpool hissa þegar þeir komust að því hvað Arne Slot heitir í raun og veru

Stuðningsmenn Liverpool hissa þegar þeir komust að því hvað Arne Slot heitir í raun og veru
433Sport
Fyrir 16 klukkutímum

Staðfest fall nýliðanna hratt af stað keðjuverkun – Börsungar fá rúman milljarð

Staðfest fall nýliðanna hratt af stað keðjuverkun – Börsungar fá rúman milljarð
433Sport
Fyrir 18 klukkutímum

Sjáðu myndbandið: Létu Óla Val heyra það í kjölfar afar umdeilds atviks í gær

Sjáðu myndbandið: Létu Óla Val heyra það í kjölfar afar umdeilds atviks í gær
433Sport
Fyrir 18 klukkutímum

Amorim viðurkennir að þetta hafi verið áhætta

Amorim viðurkennir að þetta hafi verið áhætta
433Sport
Fyrir 22 klukkutímum

Árs gömul ummæli Klopp vekja nú athygli

Árs gömul ummæli Klopp vekja nú athygli
433Sport
Fyrir 23 klukkutímum

Fór að sofa hjá eiginkonu helstu fyrirmyndar sinnar – Svona hefndi eiginmaðurinn sín mörgum árum síðar

Fór að sofa hjá eiginkonu helstu fyrirmyndar sinnar – Svona hefndi eiginmaðurinn sín mörgum árum síðar
433Sport
Í gær

Arsenal sagt undirbúa stórt tilboð í leikmann Barcelona

Arsenal sagt undirbúa stórt tilboð í leikmann Barcelona
433Sport
Í gær

Stjarnan ætlar að framlengja þrátt fyrir mikla bekkjarsetu

Stjarnan ætlar að framlengja þrátt fyrir mikla bekkjarsetu