Það er tæpt að Virgil van Dijk, sem segja má að sé mikilvægasti leikmaður Liverpool spili gegn Chelsea á morgun.

Van Dijk kom til Liverpool í janúar og síðan þá hefur varnarleikur liðsins tekið rosalegum bætingum.

Á meðan sóknarmenn liðsins fá mesta athyglina þá er Van Dijk maðurinn sem hefur bætt gengi liðsins, hvað mest.

,,Við verðum að bíða og sjá, hann hefur ekkert æft,“ sagði Jurgen Klopp en Van Dijk gat ekki spilað gegn Chelsea í deildarbikarnum í vikunni.

Ef Van Dijk spilar ekki mun Dejan Lovren taka stöðu hans með Joe Gomez í vörninni.

,,Virgil er heimsklassa leikmaður og þegar heimsklassa leikmaður er ekki með, þá er það ekki gott.“

,,Dejan var að spila sinn fyrsta leik í tíu vikur og hann hefur ekki alltaf getað æft.“