Chelsea á Englandi spilar við lið PAOK þessa stundina en liðin eigast við í Evrópudeildinni.
Það voru einhverjir stuðningsmenn Chelsea sem gerðu sér leið til Grikklands til að sjá sína menn spila.
Það er aldrei auðvelt að heimsækja lið frá Grikklandi en stuðningsmenn þar í landi eru mjög ástríðufullir.
Stjórnarformaður Chelsea, Bruce Buck, var ánægður með þá sem mættu til leiks og reyndi að hjálpa til.
Buck ákvað að kaupa fullt af snakki fyrir leikinn í dag og afhenti stuðningsmönnum í stúkunni en um 500 bláliðar eru mættir á leikinn.
Einnig fengu stuðningsmenn Chelsea frítt vatn fyrir leikinn en það er ansi heitt í Grikklandi þessa stundina.
Myndir af þessu má sjá hér.
