Algjört frost er í viðræðum Raheem Sterling við Manchester City um nýjan samning við félagið.

Samningur Sterling rennur út sumarið 2020 en City vill reyna að framlengja hann sem fyrst.

Ef það tekst ekki er möguleiki á að félagið neyðist til að selja hann næsta sumar.

Sterling var frábær á síðustu leiktíð en hann kom til félagsins sumarið 2015. City keypti hann frá Liverpool árið 2015 fyrir 44 milljónir punda.

Hann gerði fimm ára samning en City getur framlengt hann um eitt ár.

Sterling er með 170 þúsund pund á viku í dag en hann vill hið minnsta 220 þúsund pund á viku í föst laun.

Viðræðum hefur nú verið frestað en City er meðvitað um að staðan gæti orðið erfið ef félagið vill ekki missa hann næsta sumar.