Pep Guardiola, stjóri Manchester City, segir að það sé eðlilegt að fólk sé að spyrja út í vængmanninn Leroy Sane.

Sane var frábær fyrir City á síðustu leiktíð en hefur lítið komið við sögu á þessu ári.

,,Það er eðlilegt, eftir hvað gerðist á síðustu leiktíð, að fólk sé að spyrja um hann,“ sagði Guardiola.

,,Líkamstjáning hans er eins og á síðustu leiktíð og hann var valinn besti ungi leikmaður deildarinnar.“

,,Leroy var svo mikilvægur og er svo mikilvægur, hann væri mikilvægur fyrir hvaða lið sem er.“

,,Það er engin spurning. Þetta er áskorun fyrir hann, ekki bara fyrir hann heldur fyrir alla.“