Búist er við því að miðjumaðurinn Fabinho verði loksins í hóp hjá Liverpool á morgun gegn Tottenham.
Fabinho hefur ekkert komið við sögu hjá Liverpool á tímabilinu en hann kom til félagsins í sumar frá Monaco.
Brasilíumaðurinn hefur verið heill og spilaði fjölmarga leiki með Liverpool á undirbúningstímabilinu.
Fabinho verður að öllum líkindum á varamannabekknum í stórleik morgundagsins.
Jurgen Klopp, stjóri Liverpool, sagði fyrr í mánuðinum að leikmaðurinn væri að aðlagast lífinu á Englandi.
